24 июнь көнне Чаллы патруль-пост хезмәте батальоны йөртүчесе, 27 яшьлек Риф Хафаҗетдинов эшкә китәр алдыннан әти-әнисен бакчаларына илтеп куйган. Шуннан кайтып килгәндә, Новотроицк авылы янындагы күлдә ярдәм сорап кычкырган берничә баланы күреп ала.
Малайларның сүзләреннән аңлашылганча, күлдә аларның ике иптәше бата булып чыккан. Аларның берсе әле су өстендә күренсә, икенчесе су астына киткән иде инде. Курыккан иптәшләре аның кайдарак батканын да күрсәтә алмаган.
Ул иртәне ипәше белән булган Риф башта малайларның беренчесен коктарган, аннары икенчесен эзли башлаган. Рифның үзе әйтүенчә, суга сикергәндә ул күлдә агым булмавы, малайны якында гына эзләргә кирәклеге хакында да уйлап өлгергән. Чираттагы тапкыр суга чумгач, ул малайны табып алган – үсмер 3 метр тирәнлектә яткан.
Ярда исә Риф малайны аңына китерергә тырышкан. Курку да, паника да булмаган. “Барысы да үзеннән-үзе килеп чыкты. Өйрәткәнчә эшләдем: үпкәләрне судан арындырдым, йөрәккә массаж ясадым, авызына һава өрдем”. Соңрак малайны ашыгыч ярдәм машинасында хастаханәгә озатканнар.
Зыян күрүче малай – Чаллыда яшәүче 10 яшьлек Әһлетдин Садыйков. Аның сүзләренчә, суда уйнаганда, аның аягы таеп киткән, һәм ул, тончыгып, бата башлаган. “Мин полиция хезмәткәренә чиксез рәхмәтемне белдерәм, бәхетле, сәламәт булсын”, – ди малайның әтисе Мөэмин.
Хәзер геройлык күрсәткән Рифны бүләкләү мәсьәләсе хәл ителә.
Су коену сезоны башыннан исә Татарстанда инде 27 кеше батып үлгән, аларның 3се – бала.
.jpg)
1
.jpg)
2
в„– | 27.06.2013