Татар-башкорт сәхнәсендә йолдыз булып кабынган яшь җырчы Ришат Төхвәтуллинның 1 октябрьдә Казанның УНИКС залында үтәсе концертына билетлар сатылып бетте диярлек. (Бу язма әзерләнгәндә кассада 10 билет калган инде).
Концертны оештыручы Рәшит Ваһапов фестивале яшь җырчы иҗатына игътибарлы Казан тамашачысына ихлас рәхмәтен белдерә һәм шуны хәбәр итә: 26 октябрьдә Ришат Төхвәтуллин Казанда яңа концертын –театральләштерелгән яңа шоу – программа тәкъдим итә!
Җырлы-биюле, уен – көлкеле тамашада татар-башкорт эстрадасының иң чибәр, иң мөләем кызлары – Фәридә Газзалова, Гөлназ Асаева, Алсу Хуҗина, Гөлсирин Абдуллина катнаша. Тикмәгә генә яңа программа “Ришат кыз сайлый!” дип аталмый бит!
Яңа программада Ришат әле яңа гына табадан төшкән өр-яңа җырларын күпләп тәкъдим итәчәк! Һәм, әлбәттә, концертта тамашачы инде яратып өлгергән хитлар да урын алган.
Концерт шулай ук УНИКСта үтәчәк. Башлана 17:00 сәгатьтә.
Билетлар – УНИКС, “кассир.ру” һәм “concert.ru” кассаларында. Бәясе: 500-1500 сум. Белешмәләр өчен: 296-06-27.
Шул ук программаны Ришат Төхвәтуллин Уфада да күрсәтә: 22 октябрь – ДК Молодежи, 24 октябрь – УМПО.
Ә октябрь башында Ришат Норлат (4 октябрь, ГДК), Самара (5 октябрь, ДК Кирова), Кулатка (7 октябрь, РДК) һәм Ульяновск (8 октябрь, Филармония) шәһәрләрендә чыгыш ясый.
.jpg)
в„– |