2011 елда Рәшит Ваһапов фестиваленең яшь башкаручылар конкурсында җиңү яулап, фестивальнең продюсерлык үзәгендә эшли башлаган һәм бер ел эчендә диярлек татар-башкорт сәхнәсендә “йолдыз” дәрәҗәсенә күтәрелгән Ришат Төхвәтуллин бүгенге көннән – дипломлы профессиональ җырчы!
11 майда ул Уфа дәүләт һәм мәдәният сәнгать академиясендә белгечлек буенча дәүләт имтиханын “5” ле билгесенә тапшырды. Ришат имтиханда З.Исмәгыйлевнең “Сагынырмын Урал тау буйларын” (видео), Р.Яхинның “Китмә, сандугач”, Н. Даутовның “Әниемә” романс-җырларын, Н.Җиһановның “Алтынчәч” операсыннан Җик-Мәргән ариясен һәм башкорт халык җыры “Уел”ны башкарды.
Ришатны истәлекле вакыйга белән тәбрик итәргә Октябрьск каласыннан беренче вокал укытучысы Галия Мусина һәм Казаннан продюсеры Рифат Фәттахов килделәр (фото).
Без дә яраткан җырчыбызны дәүләт имтиханын уңышлы тапшыруы белән тәбрик итәбез. Яңа иҗади унышлар сиңа, Ришат!
Ә 15 майда Ришат Төхвәтуллин Казанда, Рәшит Ваһапов фестиваленең С.Сәйдәшев исемендәге Зур концерт залында үтәсе гала-концертында катнаша.
в„– |