06.10.2017 Шоу-бизнес
13 октябрь көнне Яшел Үзәндә күптән көтелгән тамаша - "Татарча солянка" узачак. Оештыручылар шәп булачак дип ышандыра.
---
--- | 06.10.2017
13 октябрь көнне Яшел Үзәндә күптән көтелгән тамаша - "Татарча солянка" узачак. Оештыручылар шәп булачак дип ышандыра.
Сезне Рамил Галимҗанов, Диләрә Илалтдинова, Эльмира Сөйләйманова, Илназ Баһ, Ландыш Нигъмәтҗанова, Раяз Фасыйхов һәм Хәмдүнә Тимергаливеа белән очрашу көтә. Көзге салкыннарны ялкынлы, дәртле һәм моңлы җырлар белән җылытып җибәрик!
Билетлар инде сатуда!
---
--- | 06.10.2017
“Якташларыма бик зур рәхмәт. Миңа һәрвакыт ярдәм кулы сузып, канатландырып торалар. Бу кичәне үткәргәндә дә аларның ярдәме бик зур булды”, - ди Эльвира, чүпрәлеләргә рәхмәтләрен җиткереп. Иҗат кичәсенә шагыйрәләрен зурлап туган якларыннан зур делегация килү, хакимият башлыгы Александр Валерьевич Шадриков исеменнән рәхмәт хаты тапшыру да шуны раслады бит. Иҗат кичәсендә чыгыш ясаган Алсу Әбелханова, ИлСаф та якташлары белән горурлануларын әйттеләр.
“Җанга якын дусларга” дип аталган кичәдә яңгыраган җырлар бик сайланып тупланган дигән тәэсир калды. Чынлап та, җанга якын дуслар бик киң төшенчә икән бит. Җанга якын кеше – ул безне гомер буе яратып, кадерләп яшәүче әти-әниебез дә, җанга якын кеше ул – сөйгән ярыбыз, үзебез сайлаган иң тугры юлдашыбыз – тормыш иптәшебез дә, җанга якын кеше – ул үзебез гомер биргән кадерле балаларыбыз да, ул – тормыш сукмакларын үткәндә ныклы терәк булган якын дусларыбыз да.
Эльвираны тәүге китабы һәм тамашачыларга иҗатының яңа якларын ачкан затлы, зәвыклы кичәсе белән чын күңелдән котлыйбыз һәм киләчәктә дә зур уңышлар телибез.
.jpg)
.jpg)
.jpg)
Нижгар татарларының дини һәм милли гореф-гадәтләре үсешенә керткән өлешләре өчен Сергач районыннан Гөлнур Зи- ганшинаны, хезмәттәшебез, газетаның яшьләр бүлеге редак- торы Румия Хамзинаны, Гөлнара Нәвретдинованы, Равилә Осма- нованы, Спас районыннан Наилә Кинзябаеваны һәм Татьяна Якубованы Түбән Новгород өлкәсе хөкүмәтенең региональ һәм эчке сәясәт министрлыгының иҗтимагый сәясәт идарәсе башлыгы урынбасары Ольга Шумакова шулай ук Рәхмәт хатлары белән бүләкләде. РНКАТНО тарафыннан шундый ук хатларга Пильна районыннан Хасәнә Сөләйманова, Рамилә Низаметдинова, 50 яшьлек юбилее уңаеннан Әлфия Аймалетдинова, Сергач районыннан хезмәттәшебез, “Туган як” газетасының җаваплы сәркатибе, районара “Ак калфак” оешмасы кураторы Наилә Жиһаншина, Кызыл Октябрь районыннан Гөлнара Фатехова лаек булдылар.
Сергачтагы “Татар радиосы”ның генераль директоры Фәрит Аймалетдинов “Бүләккә җыр” тапшы- руын алып баручы диктор Альбина Әндәрҗанованы, “Күңел җылысы” тапшыруы дикторы Тәнзилә ханым Паламарчукны намуслы хезмәтләре өчен Рәхмәт хатлары белән бүләкләп, матур шәл-яулыклар тапшырды. Шуның белән мәдәни чараның беренче өлеше тәмамланды. “Нижгарбикә-2017” өлкә конкурсы алдыннан барлык кунаклар чәй белән сыйландылар һәм Азат Жиһаншин саф һавада учак ягып, казаннарда пешергән кайнар, тәмле пылаудан авыз иттеләр.
Бөек рус язучысының билгеле поэмасы “Есть женщины в русских селеньях…” дигән сүзләрдән башланып китә. Татар авылларында да булган һәм бар утны-суны кичәрди хатын-кызлар. Һәм бу көнне Кочко- Пожар клубының сәхнәсендә нәкъ шундый уңган-булган, батыр, зирәк алты ханым “Нижгарбикә-2017” исеме өчен ярышты - Сергач районын- нан Кочко-Пожарда яшәүче, Шөбиле администрациясендә хезмәт итүче Наталья Бәдретдинова, Спас райо- ныннан Татар Моклокасы урта мәктәбенең өлкән вожатые Сания Магҗанова, Кызыл Октябрь районыннан Пашат авыл китапханәчесе Йолдыз Юсипова, Сечен районы Красный Остров авылыннан элемтә бүлеге начальнигы Зифа Җаббарова, Пильна районы Сафаҗай авылыннан укытучы Надирә Зиннәтуллина һәм Яңа Мо- чалида яшәүче Петрякс мәктәбе укытучысы Гөлнара Гимранова көч сынаштылар. Конкурсны, гадәттәгечә, барыбызга да яхшы таныш булган җәмәгать эшлеклесе Тәнзилә ханым Паламарчук алып барды. Тамашачыларны сәламләгәннән соң, ул сәхнәгә катнашучыларны чакырды. Матур милли киемнәр кигән берсеннән- берсе матур ханымнарны зал алкышлап каршы алды. Барча халыкны, кунакларны район адми- нистрациясе исеменнән мәдәният бүлеге җитәкчесе Светлана Лисина сәламләде һәм катнашучыларга уңышлар теләде. Конкурс программасы башланыр алдыннан Тәнзилә ханым жюри белән таныштырды.
Конкурсант ханымнарның чыгышын Рамил Салихҗанов, “Туган як” газетасының баш редакторы Олег Әндәрҗанов һәм “Татар радиосы - Сергач, 91,4” радиоканалының җитәкчесе Фәрит Аймалетдинов бәяләде, ә исәп-хисапны үткән елда “Нижгарбикә” исемен алучы Гөлнара Нәвретдинова алып барды. Конкурс программасы дүрт биремнән торды. Беренчесендә, визит карточкасында катнашучылар үзләре белән таныштырдылар. Сәхнәләштергән күренеш, видеопрезентацияләр, булышу төркемнәре ярдәмендә барысы да бик кызыклы, мавыктыргыч, тамашачыда үзләре турында тулы бер образ булдырырдай итеп сөйләделәр. Икенче бирем бишек җыры иде. Барысы да бишек җырлары җырлап бала үстергән әниләр булганга, бу биремне дә лаеклы ерып чыктылар. Өченче бирем иң тәмле, безнең уңган ханымнар өчен иң җиңеле булгандыр – алар жюрига үзләре пешергән милли ашларны тәкъдим иттеләр. Ул пәрәмәчләре, өчпочмаклары, кабартма-бәлешләре, кыстыбыйлары, кош телләре, баллы тортлары – барысы да искиткеч тәмле иде.
Алар бу ашларны иҗади формада, матур бизәлешле итеп тәкъдим иттеләр, башларындагы яулыкла- ры, билләрендәге алъяпкычлары бигрәк килешле иде үзләренә. Шулай ук үзләренең мавыгула- ры белән дә таныштырдылар. Аш пешерүдә, гөлләр үстерүдә, чигү- бәйләүдә безнең татар ханымнары- на тиңнәр юк инде. Дүртенче бирем чын-чынлап кечкенә генә концерт булды, анда ханымнар иҗади сәләтләрен күрсәттеләр – җырладылар, биеделәр. Йолдыз “Су буеннан әнкәй кайтып килә” җырын искиткеч матур, моңлы итеп башкарды, җырга карата декорацияләр дә әзерләгән иделәр. Гөлнара бу биремне үзенчәлекле итеп үтәде – башта сөйләп залны көлдерде, аннары Иске Мочали клу- бы директоры Вәлит Әхмәтҗанов җырлавын тыңларга тәкъдим итте. Менә кая тавыш, менә кая талант! Алкышларның иң көчлесе аңа булды, хәтта тагы да җырлавын үтенделәр, әмма аның концерты түгел иде шул бу көнне. Наташаның иҗади номеры искит- кеч матур иде – ул булышу төркеме белән “Каз канаты” биюен башкарды, сәхнәдә, әйтерсең, аккошлар йөзеп йөрде. Зифа шаян бию башкарып, сәхнәдә очып йөрде, ә Надирә искиткеч матур, талгын хәрәкәтләр белән шулай ук татар биюен күрсәтте.
Саниянең җырлавы үзешчән сәнгать яратучыларга яхшы таныш, бу юлы да ул матур тавышы белән тамашачы күңелен яулады. Тулаем алганда, конкурс бик матур, ачык булып үтте, барлык катнашучы ханымнарның әзерлеге юга- ры булганга, жюриның эше ай-һай авыр иде. Ханымнарның һәрбересе үзенчәлекле булып, төрле яклары белән тамашачы мәхәббәтен яулады. Йолдыз исеменә җисеме дигәндәй, сәхнәдә йолдыз кебек балкыды, һәр чыгышы чын тамаша иде, Гөлнара үзенең гадилеге, бер- катлылыгы белән күңелләрне яулады, Наташа, әйтерсең, бер ханбикә иде, үзен бер яктан үтә дә затлы, зәвыклы итеп тотса, икенче яктан, гадилеге ташып торды. Зифага килгәндә, ул бала кебек самими- леге белән күңелләрне җәлеп итте – алкышларга сөенә, күзләре яна. Ә Надирә зыялы татар хатыны булуы белән сокландырды – искиткеч матур сөйләве, аккошныкыдай матур, үлчәнгән хәрәкәтләре, үз-үзен тотышы, модалы журнал битләрендәге фотомодельләрнекедәй матурлыгы – барысы да урынлы. Саниянең үз-үзен чын артистларча тотышы, профессиональ чыгышлары истә калырлык иде.
Әмма конкурс булгач, җиңүчене билгеләргә кирәк һәм “Нижгарбикә- 2017” исеменә жюри Йолдыз Юсипованы лаек дип тапты. Наташа “Хуҗабикә” номинациясендә җиңүче дип билгеләнде, Гөлнарага “Иң зирәк хатын-кыз” исеме бирелде, Зифа “Иң сәләтле хатын-кыз” буларак бүләкләнде, Сания “Үз эшенең остасы” дип табылды, ә Надирә “Тамашачы симпатиясе” призына лаек булды. Барысы да өлкә автономиясе, “Туган як” редакциясе тарафыннан Рәхмәт хатлары һәм истәлекле бүләкләр белән бүләкләнде, Йолдызга Бөтендөнья татар конгрессы исеменнән дә бүләк тапшырылды. Ә “Татар радиосы - Сергач, 91,4” студиясе исеменнән нижгарбикәләр котлаулар бирү өчен сертификатлар белән бүләкләнделәр. Һәм, әлбәттә, һәрбересенә чәчәк бәйләмнәре бирелде. Аларны булдырырга Сергачтагы “Континент” сәүдә үзәгенең директоры Фаил Хамзин ярдәм итте. Мондый зур чараларны чыгымнарсыз уздырып булмый, әлбәттә, һәм шуңа да спонсорларны аерым билгеләп үтәргә кирәк.
Җыенга килгән һәрбер хатын-кызга бүләкләрне автономия әзерләде, ашату-эчертү чыгымнарын һәрвакытта ярдәм итәргә әзер торучы дусларыбыз – авыл хуҗалыгы предприятиеләре җитәкчеләре Харис Хакимов, Сабир Магҗанов, Фаил Арифуллин, Рушан Идрисов һәм Сергач райпосы рәисе Равил Мангушев тулаем үз өсләренә алдылар. Алар барысы да автономия исеменнән Рәхмәт хатлары белән бүләкләнде. Әлбәттә, автономия рәисе Надир Хафизовка, Рамил Салихҗановка, оештыру эшләрен башкаручы, тынгы белмәгән, тиктормас Рәзилә Ахмадуллинага, аның ярдәмчесе Әлфия Бадяутдиновага рәхмәт. Ә инде Кочко-Пожар клубы хезмәткәрләренә - директор Ибраһим Мусинга, художество җитәкчесе Эльвира Мусинага, аккомпаниатор Азат Жиһаншинга, җыештыручы Әлфия Шакировага рәхмәтнең иң олысы – алар бу юлы да чара югары дәрәҗәдә узсын өчен алны- ялны белмичә тырыштылар. Шулай бергәләп быел да ерып чыктык башлаган эшебезне һәм киләсе очрашуларга кадәр, дуслар!
Кадрия СӘМИУЛЛИНА, Наилә ЖИҺАНШИНА.
Илнар САДЕКОВ фотолары.
.jpg)
Бөтен идәнне тишкәнсең бит син!
Укытучылар белән сөйләшкәндә төрле темаларга кагылдык. Аларны бүгенге БДИ, электрон укыту мәсьәләсе дә куркытмый икән. Яшь вакытлары булса, барысын да эшли алыр идек, дип ышаналар. Лена апа мәктәп директоры хатыны булган. Үзе дә сизмәстән: “Кызык, ә мин аның урынбасары булдыммы икән?”– дип куя.– Юк, син масаеп йөрмәдең. Директор хатыны була алмадың. Ләкин зур ярдәмчесе идең, – дип хезмәттәшләре аны җиргә төшерде.Авыр заманнар булса да, матур итеп киенергә тырышканнар. Чәчләр үрелгән. Озын күлмәк, үкчәле туфли кигәннәр. Лира апа бу урында туфли вакыйгасын да сөйләмичә кала алмады.
– Бер елны мине Чишмә башлангыч мәктәбенә күчерделәр. Энгельнең әтисе Нәвап абый башлангыч сыйныфларны укыта, мөдир иде. Мәктәпкә ремонт ясаткан булган. Беркөнне чирләп киткәч, берүземә дүрт сыйныфны укытырга туры килде. Мин бүлмәдән-бүлмәгә йөреп, бөтен идәнне тишеп бетергәнмен. Ә үзем шуны күрмәгәнмен дә. Нәвап абый килгәч: “Лира, син бик зур эшләр эшләгәнсең икән, идәнне тишкәләп чыккансың бит. Үзеңнекен генә түгел, минекен дә”, – ди. Мин инде: “Абый, нәрсә сөйлисез, кадак белән тишеп йөрмәдем инде”, – дидем. “Кил әле, күрсәтим”, – ди. Карасам, бөтен җирдә – тишекләр. Ул миңа каты бәрелмәде. Аңа карап, беркайчан да үкчәле туфлиемне салмадым, – ди Лира апа. Укытучылар авыр елларда да укучыларга ныклы белем бирергә тырышкан. Начаррак укучыларын дәрестән соң алып та калганнар. Шугракларга: “Әти-әниеңә әйтәм, көндәлегеңә язып җибәрәм”, – дип әйтү дә җиткән. Андыйларның иң курыкканы – укытучы бүлмәсенә алып керү. Әти-әниләр, мәктәп һәрвакыт бер сүздә булган. “Күзгә генә карап утырган укучыларны укыттык. Укытучыга хөрмәт һәрвакыт зур булды. Шуның белән дә бәхетле идек без”, – ди Меңнәр мәктәбе укытучылары. .jpg)
Милли йортлар, төрле күр¬гәзмәләрне карап чыгуга халык авыл хуҗалыгы ярминкәсенә ашыкты. Быел да өлкәбезнең, шулай ук Мордовия, Чувашия, Башкортос¬тан, Татарстан Республика¬лары, Ульян һәм Оренбург өлкәләренең азык-төлек җи¬тештерүче оешмалары, шәх¬си хуҗалыклар үзләренең про¬дукцияләрен сатырга алып кил¬гәннәр иде. Шулай да халык күб¬рәк җирле фермер, шәхси хуҗалыклар җитештергән продукцияне сатып алды.
- Менә өч ел инде бу ярминкәгә махсус бал алыр өчен киләм. Биредә бәяләр дә арзанрак, сайлап алу мөмкинлеге дә зур. Дөрес, бар нәрсә дә арзан дип әйтмәс идем. Мәсәлән, Самара базарында йомырканың дистәсен 35-38 сумнан сатып алып булса, биредә 60 сум тора. Шулай да, натураль экологик чиста ризык өчен акча җәл түгел. Пенсиям әллә ни зур булмаса да, көндәлек тормышта ит, сөт кебек ризыкларны шәхси хуҗалыклардан сатып алырга тырышам (атнасына ике тапкыр аларны Кызыл Яр районыннан бер фермер йортыбызга китереп сата). Алар продукциянең сыйфаты өчен көрәшә. Ә менә зур күләмдә җитештерүче оешмалар ризыклар озаграк саклансын дип, төрле химик матдәләр кушулары турында телевизордан да күрсәтеп торалар бит, - дип сөйләде Самарада яшәүче милләттәшебез Дания ханым Вафина.
Камышлы районының Дәү¬ләткол авылыннан килгән крес¬ть¬ян-фермер хуҗалыгы җи¬тәкчесе Фәрит Гыйлаҗевны күб¬рәк техника күргәзмәсе кызыксындырган.
- Хуҗалыгыбызга погрузчик сатып алырга телибез. Танышларым бирегә килеп карарга киңәш итте. Чынлап та, монда сайлап алу мөмкинлегенә ис китәрлек! Россиянең 15 регионыннан 60 машина төзү оешмалары катнашты, Самара өлкәсеннән “Евротехника”, “Сельмаш”, “Пегас-Агро”, “Челно-Вершины машина төзү заводы”, “Волгаагромаш”, “Регион” оешмалары техникаларын тәкъдим иткән. Чәчү, ашлык җыю техникасы, үзйөрешле һәм тагылмалы сиптерткечләр – нәрсә генә юк! Ике оешманың погрузчигы ошады, гаилә белән киңәшербез дә берсен сайлап алырбыз, дип уйлыйм.
Кызганыч, мондый чаралар турында район җитәк¬челегеннән түгел, та¬ныш-белешләрдән ишетеп бе¬лә¬без. Бер карасаң, җи¬тәк¬челәр безгә, кече фермер хуҗа¬лыкларына бу турыда бел¬дерергә тиеш иде бит. Без дә үзебезнең продукцияне алып килгән булыр идек. Бу районга дәрәҗә генә өсти, минемчә. Безгә, фермерларга, аралашу, тәҗрибә уртаклашу һәм эшлекле мөнәсәбәтләр урнаштыру өчен дә менә дигән мәйданчык, - дип сөйләде ул.
Күргәзмәдә сөт һәм ит җи¬тештерү оешмалары мөгезле эре төрлек, сарыкчылык, ат үрчетүче хуҗалыклар да катнашты. Большая Глушица районыннан “Эльмир” оешмасы - эдельбай, ә Кошкидан “Дружба” токымлы терлек үрчетү заводы куйбышев нәселле сарыкларны күрсәтү өчен алып килгән иделәр.
Красный Яр районының “Самарский” агрокомплексы - чиста токымлы гарәп, ә “Ермак ат заводы” ганновер нәселле айгырларны тәкъдим иттеләр.
XIX Идел буе агросәнәгать күргәзмәсенең ябылу тантанасында өлкә хөкүмәте рәисе урынбасары - өлкә авыл ху¬җалыгы һәм азык-төлек министры Алексей Попов чарада катнашкан 27 муниципаль районга да Гран-При бүләген, күргәзмәдә катнашучыларга барлыгы 221 алтын медаль тапшырды. Иртә яздан көзгә кадәр тир түгеп җирдә эшләүче, зур җәфа чигеп мал үстерүче гади халык бу югары бүләкләргә чын-чынлап лаек.
Язманы Әминә ШИҺАПОВА әзерләде. 