06.03.2018 Шоу-бизнес
Илсөя Бәдретдинова тирәсендә сүзләр бетеп тормый. Моңа шул исәптән популяр җырчы Инстаграмындагы көн саен яңартылып торучы видео һәм фотолар тасмасы да сәбәп булып тора. Менә хәзер дә аның бер фотосын җырчы Надежда Бабкинага охшатканнар. Ә сез ни диярсез, охшаганмы?
---
--- | 06.03.2018
Илсөя Бәдретдинова тирәсендә сүзләр бетеп тормый. Моңа шул исәптән популяр җырчы Инстаграмындагы көн саен яңартылып торучы видео һәм фотолар тасмасы да сәбәп булып тора. Менә хәзер дә аның бер фотосын җырчы Надежда Бабкинага охшатканнар. Ә сез ни диярсез, охшаганмы?
.jpg)
---
--- | 06.03.2018
Дин кардәшләребез “Ярдәм”дәге курсларга Изге Коръәнне укырга өйрәнергә дип максат куеп килә. Тернәкләндерү курслары программасы да бу изге максатка ирешерлек итеп төзелә. Чөнки Изге Коръәнне укырга өйрәнү җиңел түгел, зур тырышлык куярга кирәк. Бетмәс-төкәнмәс калкып торган нокталардан торган хәрефләрне бармак очлары белән капшап, тоемлап уку зарур. Коръәнне укый-укый, менә шул калкып торган нокталар тигезләнә, юкка чыга башлый. Шуңа күрә Брайль шрифты буенча бастырылган Коръәннәрне дә яңартып торырга кирәк.
“Ярдәм” фонды оештырган тернәкләндерү курсларында 2005 елдан бирле Россиянең һәм БДБ илләреннән килгән 14 меңнән артык кеше белем алган һәм дәваланган, Коръән нурына коенган. Курслар тәмамлану белән аларга бик зур бүләк – Луи Брайль шрифтында басылган Изге Коръән бирелә. Күзләре күрүчеләр укый торган Коръән бер томнан торса, күрмәүчеләр өчен басылган Коръән 6 томнан тора, 10 килограммга җитә.
Брайль буенча Коръәннәр “Ярдәм” фонды карамагындагы типографиядә бастырыла. Бер комплект 7500 сумга төшә. Коръән өчен махсус кәгазь чит илдән кайтартыла, кыйммәт. Күпчелек күрмәүчеләр өчен бу бик зур сумма. Әмма безнең һәрберебез кояш нурларын күрүдән мәхрүм булган, әмма күңелләре белән яктылыкка омтылган кешеләргә үзенең кулыннан килгән кадәр ярдәм итә, аның дөньясын Коръән нуры белән яктырта ала.
Коръән укып юанган, шуның белән рухи, психологик яктан ныгыган, яшәргә җиңелрәк булган, сынауларны узарга көч тапкан бик күп кешеләр белән очрашырга туры килә безгә. Алар – дистә меңләгән. Сезнең игътибарга шуларның берсе - яшьтән сукырайган, Алабуга шәһәре егете Алмаз Әхмәтвәлиев катнашындагы видеоны тәкъдим итәбез.
Күрмәүчеләрне Коръәнле итәргә теләүчеләр өчен реквизитлар.
Бүләкләү алдыннан тамашачылар каршында Яр Чаллы шәһәренән Авляровларның гаилә ансамбле чыгыш ясады. 10 бертуган төрле музыка уен коралларында уйнады, аларның барысын да музыкага әниләре, дүрт җиңүченең берсе, Нодира Авлярова өйрәткән. Аңа мөрәҗәгать итеп, Минтимер Шәймиев балаларның талантлары белән һәм әни кешенең сабырлыгы белән соклануын белдерде. "Мин үзем гаиләдә унынчы бала, әмма 60 яшькә җитмичә барыбер гармунда уйнарга өйрәнә алмадым" - дип шаяртты ул.
"Хәзерге вакытта хатын-кызга иҗатта да, профессиональ өлкәдә дә үз максталарына ирешергә барлык мөмкинлекләр дә бар", - дип билгеләп үтте Татарстан профсоюзлар Федерациясе җитәкчесе Татьяна Водопьянова. Ул "Минем һөнәрем - минем язмышым" номинациясендә җиңгән Татарстанның төрле район шәһәрләреннән килгән ханымнарны бүләкләде.
Республика клиник хастаханәсенең акушер-гинекология бүлеге баш табибы урынбасары Илмира Галимова "Хатын-кыз - ел үрнәге" булып табылды. Нәкъ перинаталь үзәктә 700 дән артык бала дөньяга килә. "Сәхнәгә күтәрелгәндә көчле дулкынлану тойдым. Хезмәтеңә шундый бәя бирүләре дулкынландыра. Безнең республикада лаеклы хатын-кызлар бик күп, шуңа күрә бәйгедә җиңү минем өчен көтелмәгән булды", - дип сөйләде ул "Татар-информ" хәбәрчесенә. Илмира Галимова үзенең гаиләсендә дә кечкенә бала үскәнен, әмма үз ярдәме белән дөньяга килгән барлык балаларны да үзенеке дип санаганын әйтте. Табиб практикасында ничә бала туганын ул санамаган.
Төрле номинацияләр билгеләнде, ә лаеклы җиңүчеләр бүләкләнү өчен сәхнәгә чакырылды. "Хатын-кыз - мәдәният һәм рух" номинациясендә Аида Гарифуллина, Венера Ганиева һәм Зилә Сөнгатуллина бүләкләнде. Ә аларны котлап укучылары җыр башкарды.
Музыкаль композицияләр бик күп яңгырады. "Яңа музыка" камера оркестры белән Татарстанның ир-атлар камера хоры, "Тюрквидение" лауреаты Айдар Сөләйманов һәм башкалар чыгыш ясады.
Конкурс җиңүчеләренә һәм катнашучыларга сюрприз - танылган Россия актеры Михаил Пореченковтан котлау булды. Һәркемгә дә бәхет һәм сәламәтлек теләп "бүген бу залга Татарстанның иң гүзәл хатын-кызлары җыелганын" билгеләп үтте.
Конкурс ахырында ир-атларны бүләкләделәр. "Ир-ат - лидер" һәм "Ир-ат - күркәм йөрәк" номинациясе җиңүчеләрен "Татарстан хатын-кызлары" Иҗтимагый оешмасы җитәкчесе Зилә Вәлиева тәбрикләде. "Лидер" булып табылган Казан җитәкчесен һәм хәйрияче Рөстәм Рамазановны, һәм "Күркәм йөрәк" номинациясе җиңүчеләре, Чирмешән районыннан бертуган Әгъләмовларны тәкъдим иткәндә, әлеге елның җиңүчеләрен юбилярлар дип атады. Чөнки, хатын-кызлар конкурсында ир-ат номинацияләре иртәрәк, 1998 елда барлыкка килә һәм быел 20 нче җиңүчеләр ачыкланды.
"Җитәкченең кешеләргә игътибарлы булы бик мөһим" - дип билгеләп үтте Зилә Вәлиева бүләкләр тапшырганда. Шулай ук, "быелгы конкурста бик күп яшьләр катнаша, алар әле иҗат һәм профессиональ карьераларын башлап кына киләләр, димәк без алдагы елларның күп җиңүчеләрен күрдек", - дип әйтте.
Конкурсның оештыручысы һәм инициаторы - "Татарстан хатын-кызлары" төбәкара иҗтимагый оешмасы. Шулай ук, Татарстанның профсоюзлар Федерациясе, Татарстан Республикасының Хезмәт, мәшгульлек итү һәм социаль яклау министрлыгы һәм республикада кеше хокуклары буенча Вәкил конкурсның партнерлары. Конкурс Татарстан Республикасы Президенты Рөстәм Миңнеханов ярдәме белән уздырыла.
– Көчле тавышлы яшьләребез булганга сөенеп утырам. Элек без аларны гел телевизордан гына күрә идек. Уйладым да концертка билет алырга булдым. Мин килгәндә, алдагы 11 рәткә билет сатылып беткән иде инде. Кеше белми йөрмидер дип, арттан булса да алдым. Кайчак рухи байлык та кирәк. Акча белән генә ерак китеп булмый. Хатыныма, кызыма, киленемә бүләк ясадым. Бәйрәм аллары бит. Алар белән бергә килдем, – ди табиб булып эшләүче Нурислам әфәнде. Аның кебекләр белән зал тулган иде ул көнне. Ак яулыклы әбиләр дә бик күп. Күбесе, яшьләр моңлы җырлар сузганда, кулъяулыгын чыгарырга онытмады.
Ваһапов фестивале йолдызлары составында хәзер ике кыз, ике егет. Дүртесе дә үзенчәлекле итеп җырлыйлар. Әнә шул сыйфатлар концертны тагын да матуррак итә. Бу юлы Азат Абитов сәхнәгә кара күзлек киеп чыкты. Бер ханым аны интернетта сүгеп тә ташларга өлгерде инде. Янәсе, кара күзлек аша тамашачы синең хисләреңне күрә алмый, дигән. Андыйларга Азат та җавабын бирде. Күзенә җил бәргән икән. Әнә шуңа күрә кара күзлек кияргә мәҗбүр булган. Ул конъюнктивит дигәннәре, талантлары төсле, бер-берләренә күчеп йөри, ахрысы. Әле күптән түгел Рәнис Габбазов күзе авыртып тилмергән иде. Рәнис дигәннән, Айсылу Габдинова белән алар гел бәхәсләшеп торалар. Концертка кадәр ябыгырга сүз биргәннәр икән. Рәнис сүзендә торган, биш килога ябыккан. Ә менә Айсылу шунда да төрттереп куйды. “Өйләнгәндә, пәрәмәч ашарга яратам, дигән идең. Ахрысы, хатының бик пешерми”, – ди ул.
Әмма бергә җырлаулары бигрәк күңелгә хуш килде. Айсылу бу концертта җырлап кына котылмады, алып баручы да булды. Үзенең беренче продюсеры Илфак Шиһаповны да искә алып үтте ул. Мәрхүмнең тиздән туган көне буласын искә төшерде, рухы шат булсын дип, Илфак язган җырны башкарды. Шул чакта залда чебен очкан тавыш та ишетелмәде. Сәхнәдәге экранда Илфак үзе күренде. Әйтерсең, бар да элеккечә, җырлары да шул ук. Исән төсле булып китте. Яшь җырчының үз остазына булган хөрмәтен зал алкышларга күмде.
Чират Гөлсирингә җитте. Айсылу кайчандыр кызның бер бәйгедә җырларга теләмичә карышуын искә төшерде. Ул чакта аны әнисе Ләйлә чеметеп сәхнәгә чыгарып җибәрә. Кыз җырны җырлап бетергәнче елап тора. Халык, бала шулкадәр хисләнеп җырлый дип белеп, кул чабудан туктамый. Ул чакта елап торса, хәзер инде Гөлсиринне сәхнәгә чеметеп чыгарасы юк. Мин утырган рәттә күп кенә тамашачылар: “Вәт булдыра Мамадыш кызы”, – дип утырдылар. Иң зур бәяне тамашачы биргәнен дә онытмыйк. Концертның ахырында һәр җырчы, үзен иң талантлы итеп күрсәтергә тырышып, бер-берсе белән сүзгә килә башлый. Мәш киләләр. Әнә шул чакта сәхнәдә Рәшит Ваһапов җыр сузып җибәрә. Чәчләренә ябышкан җырчылар шундук туктыйлар. Әнә шул моң аларны киредән җиргә төшерә. Вакытында туктап калып, кайчак бөекләрнең биеклеген аңлый белү дә кирәк шул.
.jpg)
Юбилей сәхнәсендә Рауза Хәйретдинованың иҗатын чагылдырган тарихи фоторәсемнәр, видео өзекләр аша тулы канлы сәхнә тормышы тәкъдим ителде. Рауза апа үзе кәнәфигә утырып яраткан тамашачысын күзәтте, сәхнәдән яңгыраган котлауларны тыңлады. Кичә дәвамында Рауза апа төрле елларда башкарган җырлар да ишеттерелде.
Репертуар кичәнең рухына аваздаш итеп сайланган. Әсхәт Хисмәтов татар халык җыры “Гүзәлем”не башкарды. Раил Шәмсуаров белән Ришат Әхмәдуллин “Эзләдем, бәгърем, сине” җырын, дүрт Булатның берсе – Мәсхүт Имашев “Олы юлның тузаны”н тәкъдим итте. Театр артистлары үзләре җырлады, биеде, алып барды. Г.Камал коллективы янә бер мәртәбә үзенең шанлы күмәк икәнен күрсәтте, һәр артистны кадерләп торуын, аңа игътибарлы икәнен дәлилләде.
.jpg)
Бәйрәмне юбилярның якташы, Татарстанның халык артисты Хәлим Җәләлев алып барды. Равил ага Шәрәфиев тә үзенең котлавында атаклы якташы турындагы фикерләре белән уртаклашты. “Без Рауза апаны мәктәп яшеннән үк белә идек. Ә инде үзем дә Г.Камал театры сәхнәсендә эшли башлагач, партнерлар сыйфатында да образлар тудырырга насыйп булды. Тырышлыгы, үҗәтлеге белән дан тота иде якташыбыз. Үзенә карата да, башкаларга да бик таләпчән иде. Бер вакытта да армый, һәр эшне җиренә җиткереп башкара. “Әнә килә автомобиль” спектален бер елда 200 тапкыр уйнадык. Бу факт Гинессның рекордлар китабына теркәлергә лаек. Күп көч, даими киеренкелек сорый торган куелыш иде ул!” - диде Равил Шәрәфиев.
Юбилярны Татарстанның мәдәният министры Айрат Сибагатуллин исеменән министрлык вәкиле Рәшит Фәтхуллин котлады. Шулай ук, Балык Бистәсе якташлар җәмгыяте, Ырга авылы вәкилләре дә Р.Хәйретдиновага котлауларын ирештерделәр.
Җыр, бию, спектакльләрдән өзекләр белән үрелгән тамаша барышында Татарстан Президентының котлау телеграммасы да укып узылды.
.jpg)
“Рауза Хәйретдинова үзенең иҗаты, тормышы белән безгә дәрт биреп торучы артист, - диде Фәрит Бикчәнтәев. - Татар театры сәхнәсендә 90 яшендә дә елмаеп, сәхнәне балкытып торган актерлар сирәк. Бу җәһәттән Г.Камал исемендәге театр бәхетле. Безнең Рауза Хәйретдиновабыз бар. Рауза апа! 80 яшьлек юбилеегызда бөтен труппабыз белән сезнең 90 яшьлегегезне уздырырбыз, Алла боерса, дигән идек. Бу сүз рас килде, сез исән-сау, сез чибәр, матур. Сезнең колоритлы итеп көлүегез мине бала чактан ук озата бара. Андый көлү башка беркемдә дә юк. 95 яшьлегегезне дә шушы сәхнәдә уздырырга насыйп булсын!”
“Мондый матур сүзләрдән соң ничек инде теге дөньяга китмәк кирәк, юк әле, яшисем килә. Сезнең белән бер сәхнәдә булгач, савыгып та киттем, кан басымым җайлашты, яшәрдем. Тормышны, сезне яратам. Мин һәр юбилеемда үземне бик бәхетле, дип әйтә килдем, чыннан да шулай, бүген дә үземне бәхетле тоям. Театр җитәкчелегенә, иҗатташ дусларыма, яраткан тамашачыма олы рәхмәтемне җиткерәм. Шатланып яшәгез, сезгә әйтер сүзем шул. Мондый галәмәтләрдән соң бер дә үләсе килми, яшисе дә яшисе килә әле”, - диде Рауза Хәйретдинова концертны йомгаклап.
Рауза апаның иҗатына баш июче тамашачы исә, аягүрә басып данлыклы һәм сөекле актерны алкышлады. Аның рольләрен, образларын, күңелгә сеңгән җырларын искә төшерә-төшерә озын гомерле артистның бәхете өчен куанды. Туксан бишен дә үткәрергә язсын. Бирсен Ходай!
ИА "
Алга таба минем каршыма биюче Алберт Әхмәтов килде. Алар Фирдүс белән җырчы Гүзәл Уразова һәм Илдар Хакимовлар белән эшләгән чордан ук таныш. ““Сәйдәш” бию төркемендә эшләгән чыклар иде. Ничектер үзеннән-үзе танышып киттек. Фирдүснең беренче “сольникларыннан” бирле бергә эшлибез”, - дип бүлеште Алберт.
Концерт күпләргә таныш булган “Сөям сине” җыры белән башланды. Тамашачының шоу көткәнен аңлап була иде, алар инде биергә әзер иделәр. Фирдүс залга: “Дүрт сәгать түзегез, зинһар. Забейте на все, и просто покайфуем”. – дип мөрәҗәгать итте. Чыннан да, “кайфовать” итәргә яраткан кешегә концерт менә дигән сәбәп булды. Фирдүс җырларының күбесе тиз ритмда. Әле бу сезонында “Эх, тала-тала” халык җырының сүзләрен дә үзгәртеп керткәннәр.
Тамашаның уртасында халык еламсырап алды. "Оҗмах әниләрнең аяк астында" дигән сүзләр белән Фирдүс Тямаев “Ташлап китмә, әнием” җырын башкарды. Җырның мәгънәсенә тирәнтен төшенсәң, күңел тулмыйча калмый. Тик Фирдүс: “Мин сезне еларга чакырмадым”, - дип, кире тамашачыны елмаерга әйдәде.
Билгеле, Фирдүснең концерты шаярусыз үтми. Үзенең тамашачысына җырчы бер тарих сөйләде. Төркиягә ял итәргә барганнар икән. “Татар теленнән башка тел белмим. Төрекләр үзләренчә сөйләшәләр, мин – үзебезчә. Бермәлне яныма өч туташ килде. Сөйләделәр-сөйләделәр дә: “Окей?” - дип сорап куйдылар. “Окей”, - дип җавап кайтардым. Туташлар мине таныдылар дип уйлап, фотога төшә башладым. Татарстанда әлеге күренеш гадәти – мине күргән халык фотога төшик дип кенә тора. Тик көтелмәгәндә алдыма җиде фотоальбом китерделәр...”, - дип бүлеште җырчы. Әлеге сүзләрдән соң халык көлде, ә менә Фирдүс, сәяхәтен искә төшереп, ни еларга, ни көләргә белмәде, чөнки “окей” сүзе белән ул, фотога төшеп, соңыннан фотоальбом итеп әлеге фотосүрәтләрне сатып алырга ризалыгын биргән икән. “Аыр чиктә, 140 меңгә фотоальбомнарны сатып алырга мәҗбүр булып, хатын артыннан гына йөрдем. Бүтән “окей” сүзен әйтмәм инде”, - дип тәмамлады ул.
Фирдус Тямаев белән ел дәвамында бергә эшләүче коллектив турында да әйтеп китмичә булмас. Алар белән якыннан аралашкач, никадәр гади булулары һәм үз эшләрен, чыннан да, яратып эшләүләрен аңлап була. Аларның дус һәм тату булуларын аңлатучы дәлил – бер-берсенә карата игътибарлы булулары. Мәсәлән, бэк-вокалист кызга алар “апа” дип эндәшәләр икән. Аңлавымча, коллективта һәрбер кешенең үз вазыйфасы бар. Клавишларда уйнаучы егет диск сату белән ярдәм итә, бэк-вокалист кыз Айзилә Вахитова кием үтукләү ягын кайгырта. Чыннан да, аларга афәрин, чөнки әгәр дә төркемдә бердәмлек булмаса, концерт та шул тиклем җанлы булмас иде. Фирдүс Тямаевны усал дип табучыларга җавап шул: әгәр дә таләпчән булмасаң, коллективта аңлашылмаучанлыклар күп булыр иде.
Концерт бетүгә таба барганда, Фирдүс нон-стоп рәвешендә җырлар җырлаячагын белдерде. Әйе, концертның ахыры дисктотекага тиң иде.Сәхнә янында җыелып, биючеләр дә күп булды. 
- Алай, журналны тук¬татмаска дисез инде?
Ильяс Шәкүров:
- Милләттәшләребез күңе¬ленә милләт орлыклары салу, шатлык өләшү бик күңелле эш икән ул. Хәлебездән килгән хәт¬ле тырышырбыз, дип уйлыйм.
- Сезнең шулкадәр милли җанлы кешеләр булуыгызга сок¬ланып, эшегездә уңышлар теләп калам.
.jpg)