Ландыш булганына канәгать, алга таба сайлаган юлы буенча иҗат итә, гәрчә холкы үзенекенә ирешә торган булса да.

– Аның ләззәтен әйтеп аңлатып булмый. Мәсәлән, хатын-кызлар берни алмаса да, кибетләр буйлап карап йөрергә ярата, шуннан рәхәтлек ала. Безнең балыкка йөрүебез дә шуның кебек, – ди Ирек Иштирәков.

Ирек – башкала егете. Казан дәүләт университетының көнчыгыш телләр факультетын тәмамлаган. Менеджер булып эшләсә дә, 30 елдан артык балыкчы “стаж”ы бар. Бу шөгыль аларның нәселләрендә. Кечкенә Ирек балачакта елга-күлгә әтисенә ияреп йөрсә, хәзер исә үзенең улы да шуның белән “җенләнгән”.



– Мин җәйләрне Теләче районының Кече Нырсы авылында  әби-бабайда  үткәрә идем. Беренче тапкыр балыкка баруым да шунда булды. 6 яшьләр чамасы иде. Агач сапка кара кәтүк җебе тартып, кармак ясап бирделәр. Шатлыгымнан башым күккә тиде. Бармак кадәр бер балык та эләкте бит әле. Ә җәйге каникулда әти җыелмалы кармак алып кайтып биргәч, аяк астындагы җирне тоймыйча елгага чапканым хәтердә, – ди Ирек.

Ул инде өч дистә ел эчендә шактый шомарган. Хәтта кайсы сулыкта нинди балыкны очратасын да яхшы белә. Мәсәлән, судак балыгы булган елгада ак балык табарга була. Кәрәкә балыгы каптырсаң, аның янында чуртан да бар дигән сүз. Балыкны каптыру өчен аны сыйлый да белергә кирәк. Ирек бу яктан җаен белә. Ак балык суалчан, камыр, ипи, ашлык ярата икән. Ерткыч балыклар эләктерергә уйласаң, вак балык, ит, май алып барырга онытмаска кирәк.

Бу эштә шактый тәҗрибәсе булса да, буш кул белән кайткан көннәре дә була Ирекнең. Барган җирдә балык булмаска яки җимне яратмаска мөмкин икән.
 


Һәвәскәр балыкчының балык каптыру географиясе шактый киң. Идел, Кама, Мишә, Казансу елгаларына, күлләргә йөри. Аның белән бергәләп, үз гомерендә тоткан рекордлы уңышларны да санадык. Аларның һәрберсен Ирек яттан белә. Мәсәлән, 2 кило 600 граммлы корбан балыгын, 3 кило 100 граммлы судакны, 6 кило 500 граммлы чуртанны, 1 кило 200 граммлы бершны, 900 граммлы алабуганы, 3 кило 600 граммлы сазанны, 3 кило ярымлы карпны, кило ярымлы агарчакны ничек онытасың? Хәер, соңгысын Ирек трофейга санамый, аның ике-өч килолысын тотучылар да бар  икән.

– Кайчан балык тоту рәхәтрәк дигәндә, бер генә чорны да аерып әйтә алмыйм, – ди Ирек. – Һәр фасылның үз ләззәте. Җәен көймә белән китү, яр буенда тоту, кышын боз өстенә чыгып бәке тишү... Мин аны гитара кылын чиертеп, көй чыгаруга тиңләр идем. Монда да шул гитара кебек балык эләктерү кылын табарга кирәк. Балыкка бару минем өчен мәзәктәге кебек дуслар белән җыелып, күңел ачу түгел. Мин анда бары тик бер генә максат белән китәм.

Кеше бу эшнең тәмен белеп алса, аннан арына алмыйдыр. Әкренләп ул чиргә, яшәү рәвешенә әйләнә. Моннан биш-алты ел элек язгы бозда ике боз кисәге арасында кала Ирек.
 


– Бер мизгел эчендә булды ул хәл. Кар машинасы белән дуслар чыгып өлгерде, мин икенче якта калдым. Боз тирбәлеп тора. Күз ачып йомган арада үлем белән яшәү арасында тойдым үземне. Исән калдым дип, кулың селтәп кайт та кит бит инде. Юк! 15 минут үтүгә кабат бәке тишеп, балык каптырырга утырдым, – дип елмая Ирек.

Язын балык уылдык чәчкән вакыттан алып җәй башына кадәр балык тоту тыела. Бары тик ярдан, ике энәгә генә каптыру рөхсәт ителә. Ирек суның ничә градуска җылынуыннан чыгып та, кайсы балыкның уылдык чәчә башлавын белә.

– Уылдык чәчү – балыклар өчен стресс. Шуннан соң азрак тернәкләнгәч, балыклар күп эләгә, – ди ул.
 


Җәен атна саен ук булмаса да, кышын ялларны көтеп ала Ирек. Алдарак әйткәнебезчә, аңа хәзер 9 яшьлек улы да ияргән.

– Улым балыкка беренче тапкыр 6 яшендә барды. Уңышлы көн булды ул. Бик бай урынга туры килдек. Бу көнне бер капчык судак балыгы тотып кайттык. Шуннан соң малайда кызыксыну барлыкка килде дию генә аз. Алып бармасам, күз яше белән елап кала, – ди бәхетле әти.

Ирек балык тотам дип көне буе эссе кояш астында утыручыларны аңламый. Җәен балык фәкать таң алдыннан, су салкынча булганда гына уйный. Су җылына башлагач, салкын эзләп төпкә китә. Гомумән, җәйге челләдә балык каптыруның сәгате бик санаулы.



Дуслары балыкка җыенып, Ирек бара алмый калса, һич уфтанмый. Үзләренә дә: “Мин тотасы балык суда әле, сез аны барыбер эләктерә алмыйсыз”,– дип кала. Шулай булып чыга да. Дуслары көне буе йөреп тә, рекордлы табыш белән кайтмый. Икенче юлы исә Ирек бармаган көннең әҗерен икеләтә чыгара. Шуңамы, аны “балык белән сөйләшми аңлашасың” дип үртиләр.

Балыкны тоту гына түгел, аны чистартып, әзерләү дә бик җиңел бирелә Иреккә. Бу җәһәттән ул, оригиналь рецептлар белән гаиләсен сөендерергә дә ярата. Бер барганда әллә никадәр балык тотып кайтса да, ел буе балык кына ашап тормыйлар. Бу – рационны төрләндерү чарасы гына, ди ул.

Балыкчылар арасында балык ашарга яратмаучылар да бар. Мондыйлар турында, урманчының утыны юк, диләрме әле? Бу аңлашыла да. Балыкчы өчен балык каптыру, беренче чиратта, тамагын кайгырту түгел, ә ләззәт алу чарасы бит.

Бу уңайдан травматологлар сак булырга, аяк киеменең таймый торганын һәм үкчәсезен киеп йөрергә, егылганда аяк-кулларны буыннардан бөгеп, гәүдәне бераз алга игән хәлдә, ягъни дөрес итеп егылырга өйрәнергә киңәш итә.

Сезонында бетмәс-төкәнмәс чиратлар җыелган травмпунктта быел хәл тотрыклылана төште: Түбән Камага яшь кенә ике травматолог килде һәм инде эшкә кереште дә, дип вазгыятьне сурәтли шәһәр телевидениесе.

30 октябрь көнне Әлмәт районының Яңа Нәдер авылында егет 68 яшьлек әбисенә бакча эшләрендә ярдәм иткән. Шул вакытта ул сәнәк белән ялгыш кына әбисенең күкрәк читлегенә эләгә. Алган җәрәхәттән әби шул урында ук җан бирә.

Тулырак: В Татарстане 17-летний подросток случайно заколол свою бабушку вилами

Радикның Казандагы соңгы концертлары әле апрель аенда гына узган иде. Берничә ай узуга карамастан, яңа программасына ул яңа җырлар язарга өлгергән, тамаша яңа элементлар белән баетылган. Шуларның берсе - барабанчы егетләрнең чыгышлары булгандыр, янып торган барабаннарга кага-кага биегән, чит телдә җырлаган, ул да түгел, барабан таяклары белән төрле трюклар күрсәткән егетләрне зал алкышларга күмде. Быел концертка Радикның иҗатташ дуслары: Украинадан Ион Zip92 Зегря, Санкт Петербургтан Тимур СПБ, Казахстаннан “Самый шулай” җырының авторы Бабек Мамердзаев та килгән иде. “Мин Казанда беренче генә тапкыр, шуңа да карамастан, шәһәрне бик яраттым, татар халкының кунакчыллыгына сокландым, рәхмәт сезгә, көн саен Аллаһы Тәгаләгә рәхмәт әйтергә онытмыйк”, - диде ул чыгышында.

Радикның концертына аның дусты җырчы Фирдус Тямаев килә алмаган, шуңа да дуэт белән башкарылырга тиешле “Яңгыр”, “Гомер үтә” җырларын, Радик Юльякшин үзе генә җырлады.

Элвин Грейның ачык күңеллелегенә, активлыгына, талантына сокланмый мөмкин түгел. Татарстанның халык артисты Миңгол Галиев әйткәндәй, “мәхәббәт йомгагы” ул. Сәхнәне дер селкетте. Ул да түгел, шешәдәге суын барып эчә, кара төстәге кульяулыгы белән битен сөртеп ала. Бер минут тик тормый үзе. Концерт башында ук кисәтеп куйды ул: ”Утырган җирдәнме, басыпмы, әмма биегез, нәрсәгез булса да селкенсен инде, оялмагыз, җырның сүзләрен беләсез икән, кушылып җырлагыз. Бүген монда нәрсә эшләсәгез дә рөхсәт ителә. Без бер гаилә, мин тамашачыма рәхмәт сүзләрен әйтеп беркайчан да арымаячакмын”, -  диде ул. Аның энергетикасы тамашачыларга да күчте бугай. Залда бөтен урыннар диярлек бушап бетте, бар халык баскан, кечкенә сабыйдан алып, ак яулыклы әбигә кадәр Радикның җырларына биеде. Ни хикмәт, Элвин Грейның концертларына яшүсмерләр генә түгел, балалар, өлкәннәр дә яратып килә. Өлкән яшьтәге бер пардан озак күземне ала алмый тордым. Чал чәчле бабаен әби биергә үгетли, бабай исә хатынына утырырга куша. Салмак бию башлангач та, бабайны күндерә алмады әби. Кыскасы,  икесе дә утырган җирдән генә "биюләрен" дәвам иттеләр.

Радикны тамашачы милләтләрне берләштерүче дип тә атады. Чынлап та, башкорт, рус, татар, румын, инглиз телендә дә җырлар яңгырады концертта. Сәхнә костюмнарына килгәндә, Радик мөгез чыгарырга ярата инде. Берсеннән-берсе үзенчәлекле бишләп костюм алыштырды ул. Гадәттәгечә, караңгыда янып торган, лазер утлы костюмын киергә дә онытмады. “Мин болай классик стильдә киенергә яратам, кечкенәдән костюмнан, галстук тагып йөрдем, проект эшли башлагач, дизайнер бу киемнәрне күрсәтүгә, беркайчан да боларны кимәячәкмен дигән идем дә, киергә күндерделәр. Мондый үзенчәлекле костюмнар алга таба да булачак, гаҗәпләнмәгез, костюм нинди генә булмасын, үзем нормальный малай мин”, - диде Радик шаяртып. Тамашачының ихласлыгы, җырчыны яратуы әллә кайдан күренеп тора. Хәтта, кайберәүләр чәчәк алып килмәгән булсалар да, Элвинны кочар өчен генә сәхнәгә менделәр. Хитка әйләнгән  “Елама, ярсыма” җырын исә, бар тамашачы бергәләп башкарды.

Концерт бетүгә, Инстаграм челтәрендә фотолар, комментарийлар пәйда була башлады. Шулар арасында, “Яңа гасыр” каналында “Хәбәрләр” тапшыруын алып баручы Альбина Асылгәрәеваның, Элвин Грейга рәсми мөрәҗәгатенә күпләр игътибар иткәндер. Эльвин Грейны бик текә егет, 199 процентка чыгыш ясый, бу бик көчле энергетика, зур шоу, тиздән тагын аның конертына барачакмын, дип сөйли Альбина. Концертка билет табуга килгәндә, “Җанымны сатам, бар булганымны бирәм, урлыйм, алыштырам, сатып алам”, дип уенын-чынын бергә кушып язган ул Инстаграм челтәрендәге видео астына.

Сүз уңаеннан: Элвин Грей Пирамида концертлар залында 28, 29 ноябрьдә өстәмә концертлар бирергә җыена.

Язучылар берлеге рәисе әйтүенчә, Хисам Камалов кичә кичке алтыда үлгән. Язучыны бүген Киндери зиратында җирләгәннәр.

Боҗра ел әйләнәсе эшләчәк. Руслар аны еш кына "чёртово колесо" дип атый. Татарчага әйләндерсәк, "шайтан-тәгәрмәч" була инде.

Бер кат әйләнеп төшүнең бәясе 150 сумнан башлана. Атнаның нинди вакытына карап, бу бәя үзгәрәчәк.

Беренчеләрдән булып боҗрага "Матбугат.ру" хәбәрчесе менде. 

1

2

3

4

5

6

7

8

9

10

11

12

13

14

15

16

17

18

19

20

21

22

Артем МЕЛЬНИКОВ фотолары (vk.com/artikul)

Солдат шинеле кигәч тә алты ай бронетанковый училищеда укый. Шофер-тракторист “права”сы алганнан соң аларны Баку якларына илтеп урнаштыралар. Аннары – Украинаның Сума өлкәсе, Шостка шәһәре. Биредәге полигонда аларны 77 миллиметрлы зенит тупларыннан ату һөнәренә өйрәтәләр.

Кинәт... сугыш! Каты бәрелешләр һәм чигенүләр башлана. Әти трактор белән зенит тупларын тарттырып йөри. Еш кына нимес самолетларын бәреп төшерәләр.

Сугышларның берсендә дошман снаряды кыйпылчыгы аның сул кулын беләзектән үк өзеп ташлый. (Хәзер уйлыйм: әлеге кыйпылчык аламасы әгәр әтинең йөрәгенә тигән булса, 1950 елда мин – Рашат дигән малай бөтенләй дә тумаган булыр иде...) Әти ничектер аңын югалта, калганын юньләп хәтерләми: бөркәүле полуторкада барганда, машина газыннан исереп, җәйге болын уртасында төшеп кала ул. Аны бүтән бер полк сугышчылары табып ала. Кыр госпиталендә аңына килсә, аның тирәсендә ак халатлы санитаркалар кайнаша.

Яралары төзәлгәч, 1942 елның җәендә Низаметдин бабам (Тукай яшьтәше – 1886 елда туган) йортына 23 яшьлек солдат-фронтовик кайтып төшә. Газиз уллары кайткан! Менә шул хөрмәткә идән астына яшереп куелган “чикүшкә”не табып алалар да өстәлгә чыгаралар.

Чирәмле ишегалдына чыккач, кинәттән күңеле тулып, әти янбакча рәшәткәләрен кочып елый башлый:
– Япь-яшь килеш кулсыз калдым... Чулак Мияссәр дип йөртерләр микәнни мине?.. Кызлар янына ни йөрәгем белән барырмын?.. Их, шушы Гитлер сугышының әшәкелеге!

Юкка борчылган, үзен-үзе юкка битәрләгән әти. Көннәрнең берендә тота да күршедәге Балык Бистәсенең Күки авылыннан Асия исемле кызны ярәшеп кайта. Яши торгач, ике малай, өч кыз үстерәләр. (1946 елгы Җәүдәт абыем хәрби очучы иде, 24 яшендә Русия күгендә фаҗигале рәвештә һәлак булды). Әти озак еллар завхоз, аннары амбар мөдире булып эшләде. Абруе-дәрәҗәсе бар, аңа бары тик “Мияссәр абый” дип кенә эндәшәләр иде.

Еллар узгач, мин әти турында “Яра” дигән шигырь яздым. Ул болай тәмамлана:
Әткәйләрнең кулын кискән фашист
Илнең кулын кисә алмаган!

Әти үзенең сыңар куллы булуыннан беркайчан да зарланмады. Хуҗалыкта иң кирәкле булган чалгы, сәнәк, көрәк ише нәрсәләрне көйләү аның өчен берни түгел иде. Ә инде тырма тешләре, балта сабы ясарга, мунчалык себеркеләр бәйләргә, сыерга башак болгатырга мин аңардан өйрәндем, аның киңәшләрен тоттым.

Ә хәзер әтигә дә, минем үземә дә бәйле булган печән чүмәләләре турында хикәяләп китәсем килә.

Их, карурман аланында печән чапкан чаклар! Әти – сыңар куллап, ә мин – унөч-ундүрт яшьлек малай – ике куллап чалгы белән селтәнәбез. Кайдадыр урман түрендә күке аваз биреп, печәнчеләргә озын гомер юрый. Шулай да төклетура тавышына җитәме соң! Колак төбеннән генә зур бер соры “нокта” выжылдап узып китсен әле – туктамас җиреңнән тукталырсың... Агач һәм үлән яфракларында мәрҗән-мәрҗән булып иртәнге чыклар җемелди. Әти әйтә: печәнне иртәнге чык вакытында чабудан да яхшысы юк, чалгыга йомшак килә, ди.

Бер-ике көн дигәндә чапкан печәннәребез кояшта шытырдап кипте. Аларны пөхтәләп кенә чүмәләгә салдык. Үлән, чәчәк, кыргый клевер исләре аңкып торган хуш исле ун чүмәлә! Бердәнбер сыерны кышлату өчен бик тә кирәкле яшел хәзинә бу. Ләкин бу дөньяда “процент печәне” дигән нәрсә дә бар икән әле. Ягъни, әтинең әйтүенчә, шушы хәләл ун чүмәләнең бишесен (яртысын) “лесник”кә – урман каравылчысына тапшырырга тиеш икәнбез. Чөнки өстән аңа шундый “задание” бирелгән.

Урман каравылчысы Баһаветдин абый килгәнне көтәбез. Әбәдне түгәрәкләп кенә куйган идек, безнең янга тыпырдап торган җигүле ат килеп туктады. Аның артыннан арба таккан, зәңгәрсу “Беларусь” тракторы да килеп җитте. Баһаветдин абый кычкырып сәлам бирде һәм күрешергә дип әтигә кулын сузды. Чү, күземә күренәме дип торам: әтием шикелле, ул да сыңар куллы икән ләбаса! Икесенең дә сул кулларының җиңе буш, менә-менә җилфердәргә тора. Исәнлек-саулык сорашкач, урманчы абый ун чүмәләнең унысын да җентекләп күздән кичерде. Сыңар кулының терсәген печән өеменә батырып-батырып карады. Моның белән ул чүмәләдәге печәннәрнең тыгызлыгын, корылыгын тикшерде булса кирәк. Соклануын да яшереп тормады:
– Вәт печән бу ичмасам! Чәйгә кушып кына торырлык...
– Ниме соң, кордаш, – диде әти, ипләп кенә, – процент печәне дигәч тә, рәнҗетмә инде... безгә дигән өлешне мулрак калдыра күр...
– Булмый, Мияссәр. Процент печәненең кагыйдәсен яхшы беләсең: ун чүмәләнең бишесе үзеңә кала, калганын лесхоз утарына чыгарабыз.
Миңа күңелсез булып китте. Нәни күкрәгемә ризасызлык ачысы кереп тулды. Сыңар куллы кеше сыңар куллы икенче бер кешене аңларга тиеш иде кебек. Белмим бит, бәлки, Баһаветдин абый да фронтовик булгандыр?.. Ул арада сәнәк тоткан ике агай трактор арбасыннан җиргә сикерделәр. Чүмәләләрнең берсенә таба киләләр... “Туктагыз!” – дип кычкырдым да, кулларымны җәеп, чүмәләгә аркан капландым. Сәнәкләр батып керү белән чүмәлә дер селкенде, янтайды, үзем дә сизмәстән, хуш исле печән астында күмелеп калдым...

Адәм баласы үз гомерендә явызлык белән дә, игелек белән дә күп тапкырлар очраша. Уйлап карасак ул тормышның кара якларын күбрәк тә күрәдер. Менә шундый хәлләрне кичкәннән соң да явызлык кылучыларга, гомумән дөньяга ачу сакламау, бәлки кешеләрнең иң матур сыйфатыдыр?!

Җиде яше тулгач, Раилә укырга керә. Шланга урта мәктәбен бары тик әйбәт билгеләргә генә тә­мам­лап, кулына аттестат ала. Әле ул гынамы, коляскага бе­рек­кән булуы да комачау итми. 20 яшьлек кыз концертларда җыр­лый, матур-матур шигырьләр яза.
 
– 13 яшемдә мине буыннарны дәвалаучы кешегә алып бардылар. Ә ул оча сөягемнең чыкканын әйтте. Урынына да кертеп утыртты. Баксаң, ничә еллар буе имгәнгән оча сөяге белән яшә­гәнмен. Бу дәвалаучыга 3 ел йөр­дем. Ә аннары ул үлде. Хәзер тер­нәкләндерү үзәкләренә йөрим. Аякка басар өчен миңа даими шөгыльләнергә кирәк, – дип сөй­ли Раилә.
 
Кыз аякларына баса алачагына өметен өзми. Алар тоя, сел­кенә дә хәтта. Болай булгач, дәваланырга гына кирәк, ди икән табиблар да. Менә шуңа күрә күп төрле тик­ше­ренүләр узганнан соң, Раилә катлау­лы операция ясатырга да ризалашкан. Казанга килгән Тула табиблары аның аяк табаннарына операция ясый. Тернәкләндерү үзәк­лә­рендә дә­валану кирәк. “Аяк­ларыма басып карыйм. Тик алар мине тың­ла­мый. Ә мин ничек тә йө­реп китәр өчен тырышачакмын. Башка дусларым кебек гаилә корасым, балалар үстерәсем, әти-әние­мә терәк буласым килә”, – ди ул. Раи­ләгә электр белән эшли торган коляска кирәк. “Ярдәм итү­челәр табылмасмы? Әти-әнием эшләгән акчага гына аны сатып алып булмый. Миңа даими рә­вештә дәвала­нырга кирәк. Бәлки, берәр кешедә ки­рәкмәгәне бардыр. Күңелем булышучы табылыр дип көтә”, – ди ул.
 
Раиләгә матди ярдәм күрсәтергә теләүчеләр түбәндәге картага акча сала ала:
 
Номер карты Сбербанка: 4276620015156346
Ф.И.О. получателя: Сатдинова Раиля Равилевна

Мәҗлескә күп кенә туганнар, дуслар җыелган. Бәйрәмне үзен "супертамада" дип йөртүче Гамил Нур алып барган. Никах турындагы яңалыкны да ул хәбәр итте. Фотолары да аныкы.

Никах мәҗлесе Мәскәүнең "Мираж" ресторанында узган. Кәләш чибәр күренә. Исеме дә матур - Сылу.

Радик һәм Сылуга бер-берсен хөрмәт итеп, мәхәббәттә яшәүләрен телибез. Бәхетле булыгыз! 

Концертта Айдар Фәйзрахмановның М.Әгъләм, И.Юзеев, Р.Мингалим, С.Әхмәтҗанова, Р.Әхмәтҗанов, И.Иксанова, Г.Морат, Ш.Биккол, Ф.Сафин сүзләренә язылган җырлары Фердинанд Сәләхов һәм Ярамир, Филүс Каһиров, Гөлшат Шәрәпова, Айгөл Хәйри, Алинә һәм Азат Кәримовлар, Гөлназ һәм Илсур Шәрипҗановлар, Рөстәм Насыйбуллин, Рөстәм Гыйлфанов, Флорит Гыйздәтуллин, Татарстан Республикасы фольклор музыкасы дәүләт ансамбле (сәнгать җитәкчесе – Россиянең атказанган, Татарстанның халык артисты Айдар Фәйзрахманов), «Татарика» халык уен кораллары оркестры (дирижер - Татарстанның атказанган сәнгать эшлеклесе Ринат Халитов) башкаруында яңгырады. Җырлар шигырьләр белән үрелеп барды.

Концерт алдыннан һәм азагында, шулай ук тәнәфестә фойеда “Олы юл” китабы сатылды. Китап сатудан кергән барлык акча ДЦП авырулы 6 яшьлек Гөлназ Гатауллинаның гаиләсенә тапшырыла. Бүген барлыгы 15000 сум акча җыелды. Хәйрия акциясе Татарстан Республикасы фольклор музыкасы дәүләт ансамбленең 6 ноябрьдә булачак “Гәрәбә” дип аталган концертында да дәвам итәчәк.

Концерттан соң хис-кичерешләре турында Радик безнең белән дә уртаклашты.

“Рязань - Казан” маршруты буенча барган рейс автобусы дамбадан төшеп ауган. Бу автобус шофёры идарәне югалтканнан килеп чыккан.

Шушы һәлакәт вакытында автобуста 22 кеше булганлыгы, нәтиҗәдә, 11 кеше каза күргәнлеге билгеле. Тән җәрәхәтләре алучылар арасында 2 бала бар. Зыян күрүчеләрне Чабаксардагы ашыгыч медицина ярдәме хастаханәсенә салганнар, балаларны – Республика балалар клиник хастаханәсенә җибәргәннәр.

Минем дә башыма тай типтеме, әллә булган акыл чыга башлаган вакыт идеме, бу иргә кияүгә чыгарга ризалык бир-гәнемне сизми дә калдым. Нәрсә сузып йөрергә, аның да баласы зур, минеке дә – үз тормышларына чумганнар. Кайда яшәрбез, дигән сорау да хәл ителде:  ул йортка керүгә каршы. Димәк, аның квартирында яшәрбез. Зурлап туй ясадык, үзенә күрә, сәяхәткә дә барып кайттык. Дөрес, юллама бәясен һәркем үзе өчен үзе түләде. Кияүгә чыгуга, авыл хатыннарына хас булган беркатлы җүләрлегем белән, җиң сызганып эшкә тотындым. Квартирга ремонт ясадык, иске җиһазларны алыштырдык – яшәгән урыныбыз күркәмләнеп китте.  Кунаклар килсә дип, савыт-сабаны яңарттык.

Кыскасы, өлкәннәр әйтмешли, «арт якны кашырга да вакыт булмады». Әле тегесе җитмәгәне күренә, әле монысы. Ни әйтсәң дә, кешечә яшисе килә бит. Миңа кадәр килгән хатын өйдән бар нәрсәне җыеп киткән (ир дигәнем шулай диде).

Мин акча эшлим, тик ятучы ирем, «гел өйдә тормыйсың», дип тавыш чыгара.

Җигелеп тормыш йөген тартам, иремә ярыйсы килә, янәсе, яхшы хатын булам. Булды ди, көт!  Бар нәр-сәне көйләп, аласын алып, инде хәзер матур итеп яшәп китәрбез, парлап кунакка йөрербез, үзебез дә кунак чакырырбыз дигәндә, ирем кулдан ачкычларны тартып алып, куып чыгарды. Шулай итеп, ярык тагарак янында калдым. Шул кирәк миндәй карт җүләрләргә, беренче очраган ирнең тасма теленә ышанып йөрсәң! «Дөнья малы – дуңгыз каны», дигәндәй, алган әйбергә тү-гелгән акча кызганыч түгел. Дөрес, аларын да сорап караган идем дә, ирем «кәҗә тоягы» гына күрсәтте. Күпме түккән хезмәт кызганыч...

Ирем мине ишектән төртеп чыгаруга, тагын берәүне эләктерде. Дөрес, бу хатыны минем кебек җүләр түгел бугай, өйләнгәненә бер ел, ә тәрәзәләрендә әле һаман мин алып элеп куйган челтәр тора...

Шулай, хөрмәтле хатын-кызлар, без ирләрнең тасма теленә ышанабыз, ә алар моннан оста файдалана.

Исемемне язмыйм, сезнең газета кулына эләксә, үзен болай да таныр.

Чыганак: Туган як